திருச்சிராப்பள்ளி மாவட்ட மத்திய கூட்டுறவு வங்கி அனைத்து தொழிற்சங்கங்களின் கூட்டமைப்பு சார்பில் இன்றைய தினம் மத்திய கூட்டுறவு வங்கி தலைமை அலுவலகத்தில் இரவில் தர்ணா போராட்டத்தில் ஈடுபட்டனர்.
வங்கி பணியாளர்களின் கோரிக்கைகளை 15 நாட்களுக்குள் நிறைவேற்றுவேன் என உத்தரவாதம்அளித்துவிட்டு 20 நாட்களாகியும் நிறைவேற்றாமல், இன்றைய தினம் போராட்டம் நடத்துவதுகுறித்து கடிதம்கொடுத்தமைக்காக, அதிகாரத்தை துஷ்பிரயோகம்செய்து, இரண்டு தொழிற்சங்கத்தை சேர்ந்த நிர்வாகிகளை 100 கிலோ மீட்டர் தொலைவிற்கு அப்பால் பணியிடமாற்றம்செய்து வங்கி ஊழியர்களை அச்சுறுத்தும்விதமாக செயல்படுவதைக்கண்டித்தும், வங்கிஊழியர்களின் 12 அம்ச கோரிக்கைகளை நிறைவேற்றவலியுறுத்தியும் இன்றையதினம் இரவு மத்திய கூட்டுறவுவங்கி அனைத்து தொழிற்சங்கங்களின் கூட்டமைப்பு சார்பில் தர்ணா போராட்டம் நடைபெற்றது. இதில் 150 க்கும் மேற்பட்ட மத்திய கூட்டுறவு வங்கி ஊழியர்கள் பங்கேற்று வங்கி மேலாண்மை இயக்குனரை கண்டித்து ஆர்ப்பாட்டத்தில் ஈடுபட்டனர்.
தமிழக அரசு மற்றும் மாநில கூட்டுறவு பதிவாளர் தலையிட்டு மேலாண்மை இயக்குனரை பணிமாற்றம் செய்து நடவடிக்கை எடுக்கவேண்டும் என்றும் அடுத்தகட்டமாக வங்கியில் நடைபெறும் அனைத்து கூட்டங்களையும் புறக்கணிப்பது என்றும், கோரிக்கை அட்டை அணிந்து பணியில் ஈடுபடுவது என்றும், மே 14 ஆம் தேதி அடையாள உண்ணாவிரத போராட்டத்தில் ஈடுபடபோவதாகவும் அரசுக்கும் கூட்டுறவுதுறைக்கும் எச்சரிக்கை விடுத்தனர்.
0 Comments