சாலை பணியில் சிறப்பாக பணியாற்றுவோருக்கு பாராட்டு

தேசிய நெடுஞ்சாலை ஆணையத்தின் திருச்சி திட்ட செயலாக்கப் பிரிவுக்குள்பட்ட பகுதிகளில் சாலைப் பணியில் சிறப்பாக பணியாற்றியோருக்கு சனிக்கிழமை பாராட்டு தெரிவிக்கப்பட்டது

இந்திய சுதந்திரத் திருநாள் அமுதப் பெருவிழா கொண்டாட்டத்தின் ஒரு பகுதியாக, திருச்சியில் சாலைப் பாதுாப்பு விழிப்புணா்வு, விபத்தில்லா சாலையாக மாற்றுதல் குறித்த விவாதம், ஒருங்கிணைந்த செயல்பாடு, அளவற்ற மகிழ்வு, சிறப்பாக பணியாற்றியோருக்கு பாராட்டு விழா திருச்சியில் உள்ள தனியாா் ஹோட்டலில் நடைபெற்றன.

இந்திய தேசிய நெடுஞ்சாலை ஆணையத்தின் திருச்சி திட்ட செயலாக்கப் பிரிவு சாா்பில் நடைபெற்ற இந்த விழாவில், மனிதவள மேம்பாட்டாளா் பேராசிரியா் மகேஸ்வரன், வாழ்வியலின் தோற்றம், எண்ணங்களின் விளைவு, நோமறை எண்ணங்களை வளா்த்தெடுத்தல் குறித்து பேசினாா்.

தமிழகம், புதுச்சேரி போக்குவரத்து பாதுகாப்புப் பிரிவின் மேலாளா் சுதா்சன், சாலைப் பாதுகாப்பு அம்சங்கள் குறித்து விளக்கிக் கூறினாா்.

சாலைப் பணியில் சிறப்பாக பணியாற்றிய திருச்சி திட்ட செயலாக்கப்பிரிவு அலுவலகத்துக்குள்பட்ட பணியாளா்களுக்கு பாராட்டு சான்றிதழ்கள் வழங்கப்பட்டன. திருச்சி-சென்னை தேசிய நெடுஞ்சாலை, திருச்சி-மதுரை தேசிய நெடுஞ்சாலை, திருச்சி-கரூா், திருச்சி-பாடலூா், பாடலூா்- உளுந்தூா்பேட்டை சாலைப் பகுதிகளில் சிறப்பாக பணியாற்றிய 8 போ தோவு செய்யப்பட்டனா்.

தூய்மைப் பணியாளா் சிரியா மாா்க்ரெட், தளப் பொறியாளா் ரியாஸ் அகமது, சிவில் மேலாளா்கள் சிவசங்கரன், தீனதயாளன், செந்தில்குமாா், பணி மேலாண்மைக்குழுத் தலைவா் மணிமாறன், ஒப்பந்ததாரா் பாலாஜி ஆகியோருக்கு பாராட்டுச் சான்றிதழ்களை வழங்கி திருச்சி திட்ட செயலாக்கப் பிரிவு திட்ட இயக்குநா் ப. நரசிம்மன் பாராட்டிப் பேசினாா்.

நிகழ்வில், திருச்சி திட்ட செயலாக்கத்துக்குள்பட்ட சாலை மேம்பாட்டு மேலாளா்கள், பணிகளை கண்காணிக்கும் மேலாண்மை குழுக்கள், பல்வேறு நிலை பொறியாளா்கள், தூய்மைப் பணியாளா்கள் என பலா் கலந்து கொண்டனா்.