சூஃபி இஸ்லாமிக் போர்டு தமிழ்நாடு மாநில பொதுச் செயலாளர் அல்ஹாபிழ் முஹம்மது கௌஸ் அல்லா பகஷ் காதிரி விடுத்துள்ள வேண்டுகோளில் கூறியிருப்பதாவது:மத்திய அரசு, "ஒருங்கிணைந்த வக்ப் மேலாண்மை அதிகாரம் அளித்தல் திறன் மற்றும் மேம்பாடு சட்டம்" என்ற உமீத் பெயரிலான வக்ப் திருத்த சட்டம் 1995ஐ கொண்டுவந்துள்ளது
ஆனால் அகில இந்திய முஸ்லிம் தனியார் சட்ட வாரியம் இப்படி பதிய வேண்டாம் என வேண்டுகோள் விடுத்த நிலையிலும், இந்த வாரியத்தோடு இணைந்து செயல்படும் முஸ்லிம் அரசியல் அமைப்புகளின் தலைவர்களிடம் தமிழ்நாடு அரசு தலைமைச் செயலாளர் பதிய வேண்டாம் என கேட்டுக்கொண்டதன் அடிப்படையில் அந்த அமைப்புக்கள் விடுத்த வேண்டுகோளாலும் வக்ப் நிறுவனங்களின் நிர்வாகிகள் வக்ப் சொத்துக்களை பதியாமல் இருந்துவிட்டனர்.
உமீத் போர்ட்டலில் பதிவதற்கான காலக்கெடு நீட்டிக்கப்படாது; பதிவு செய்யப்படாதவை வக்ப் சொத்துக்களாக கருதப்படாது என தெரிந்ததற்கு பின்பே தமிழ்நாடு வக்பு வாரியம் அவசர அவசரமாக வக்ப் சொத்துக்களை பதிவு செய்ய சொல்கிறது.
ஐந்து மாதம் சும்மா இருந்துவிட்டு ஐந்து நாள் இடைவெளியில் வக்ப் சொத்துக்களை முழுமையாக பதிவு செய்வது சாத்தியமற்றது. எனவே தவறாக வழிநடத்தப்பட்டுவிட்ட வக்ப் நிறுவனங்களின் நிர்வாகிகளுக்கு மேலும் ஒரு வாய்ப்பு அளிக்கும் வகையில் உமீத் போர்ட்டலில் பதிவு செய்யும் காலக்கெடுவை மேலும் 6 மாதம் நீட்டித்து வழங்க மத்திய சிறுபான்மை நலத்துறை அமைச்சர் மாண்புமிகு கிரண் ரிஜிஜு அவர்களை வலியுறுத்திகிறோம். இதனை செயல்படுத்தி தர சூஃபி இஸ்லாமிக் போர்டு தேசிய தலைவர் மன்சூர் கான் அவர்களை அன்போடு வேண்டுகிறோம் .
மத்திய அரசு கொண்டு வந்த உமீத் சட்டத்தை ஏற்று நாட்டிலேயே முதலாவதாக தமிழ்நாட்டில் வக்ப் வாரியத்தை திமுக அரசு கொண்டு அமைத்துள்ளது. இந்திய யூனியன் முஸ்லிம் லீக் தேசிய செயலாளர் திரு கே. நவாஸ் கனி எம்பி இதன் சேர்மனாக உள்ளார். அதனைத் தொடர்ந்து மேற்கு வங்கத்திலும் திருணாமுல் காங்கிரஸ் முதல்வர் திருமதி மம்தா பானர்ஜியும் உமீத் சட்டத்தை ஏற்பதாக அறிவித்துள்ளார்.
எனவே தமிழ்நாட்டில் உள்ள வக்ப் நிறுவனங்களின் நிர்வாகிகள் தாங்கள் நிர்வாகிக்கும் வக்ப் சொத்து விவரங்களை எவ்வித தாமதமும் இன்றி உமீத் சென்ட்றல் போர்ட்டலில் பதிவு செய்து வக்பை காப்பாற்றிக் கொள்ள வேண்டுகிறேன்.
இவ்வாறு முஹம்மது கவுஸ் அல்லா பகஷ் தமது அறிக்கையில் குறிப்பிட்டுள்ளார்.
0 Comments