லயன்ஸ் கிளப் வழிகாட்டல் நிகழ்ச்சி

திருச்சிராப்பள்ளி ராயல் லயன்ஸ் சங்கம் பெருமையுடன் துவங்கும் திருச்சிராப்பள்ளி மலைக்கோட்டை ராயல் லயன்ஸ் சங்கம், லயன்ஸ் கிளப் ஆப் திருச்சிராப்பள்ளி விஷன் புதிய சங்க நிர்வாகிகள் மற்றும் உறுப்பினர்களுக்கு லயன்ஸ் சங்க வழிகாட்டல் நிகழ்ச்சி திருச்சியில் நடைபெற்றது. லயன்ஸ சங்க மண்டல தலைவர் முகமது ஷபி துவக்க உரையாற்றினார். மாவட்டத் தலைவர் பிரசன்ன வெங்கடேசன், வட்டாரத் தலைவர் சரவணன்,திருச்சிராப்பள்ளி ராயல் லயன்ஸ் சங்கத் தலைவர் சில்வியா நெப்போலியன் உள்ளிட்டோர் முன்னிலை வகித்தனர். சிறப்பு விருந்தினராக லயன்ஸ் கிளப் வழிகாட்டல் மாவட்ட தலைவர் ரத்தினகுமார் பங்கேற்று பேசுகையில்,

லயன்ஸ் கிளப் (Lions Club) அல்லது பன்னாட்டு அரிமா சங்கம் (Lions Clubs International) என்பது உலகெங்கிலும் உள்ள சமூகங்களுக்கு தன்னார்வத் தொண்டு செய்யும் ஒரு மாபெரும் அமைப்பாகும். இந்த அமைப்பு ஜூன் 7, 1917 அன்று அமெரிக்காவின் சிகாகோ நகரில் மெல்வின் ஜோன்ஸ் (Melvin Jones) என்பவரால் தொடங்கப்பட்டது. ஒரு வெற்றிகரமான தொழிலதிபரான மெல்வின் ஜோன்ஸ், உள்ளூர் வர்த்தக சங்கங்கள் தங்கள் தொழில் சார்ந்த விஷயங்களைத் தாண்டி, சமூக மேம்பாட்டிற்கும் உலக நலனுக்கும் உதவ வேண்டும் என்று விரும்பினார். அவரது இந்த தொலைநோக்கு சிந்தனையின் அடிப்படையில் பல சங்கங்களை ஒருங்கிணைத்து 'லயன்ஸ் கிளப்' உருவாக்கப்பட்டது.லயன்ஸ் என்பதன் விரிவாக்கம்'LIONS' என்ற வார்த்தையானது ஐந்து பண்புகளின் சுருக்கமாகும்:L - Liberty (சுதந்திரம்)I - Intelligence (புத்திசாலித்தனம்)O - Our Nation's Safety (நமது நாட்டின் பாதுகாப்பு)N - Needs (தேவை)S - Service (சேவை) ஆகும். முக்கிய குறிக்கோள் என்பது 'நாங்கள் சேவை செய்கிறோம்' (We Serve) என்பதே இந்த அமைப்பின் முக்கிய தாரக மந்திரமாகும். 1925 ஆம் ஆண்டில், பார்வையற்றோர் மற்றும் மாற்றுத்திறனாளிகளுக்கு உதவுமாறு ஹெலன் கெல்லர் (Helen Keller) லயன்ஸ் கிளப்பிடம் வேண்டுகோள் விடுத்தார். அன்று முதல், பார்வை குறைபாடுகளைத் தடுப்பது மற்றும் கண் சிகிச்சை முகாம்களை நடத்துவது போன்ற பணிகளில் லயன்ஸ் கிளப் உலகளவில் மிகவும் பிரசித்தி பெற்றது. இது தவிர, சுற்றுச்சூழல் பாதுகாப்பு, பசியால் வாடுபவர்களுக்கு உணவு வழங்குதல், பேரிடர் காலங்களில் நிவாரணப் பணிகள் போன்ற பல்வேறு சேவைகளில் ஈடுபட்டு வருகிறது.

உலகளாவிய வளர்ச்சி தற்போது 200-க்கும் மேற்பட்ட நாடுகள் மற்றும் பிராந்தியங்களில் இந்த இயக்கம் செயல்பட்டு வருகிறது. லட்சக்கணக்கான தன்னார்வலர்கள் உறுப்பினர்களாக இணைந்து சமூக சேவை செய்து வருகின்றனர். தொண்டும் தோழமையுமாக சங்கத்தில் செயல்பட வேண்டும் என்றார். திருச்சிராப்பள்ளி மலைக்கோட்டை ராயல் லயன்ஸ் சங்கத் தலைவர் ரகுபதி ராஜன், செயலர் சிவராமன், பொருளாளர் சூரிய நாராயணன், லயன்ஸ் கிளப் ஆப் திருச்சிராப்பள்ளி விஷன் சங்க தலைவர் ஹேமலதா, செயலர் விஜயகுமார், பொருளாளர் முகமது ஹயாஸ், துணைத்தலைவர்கள் முனைவர் சங்கர் ,கணேசன், இயற்கை மருத்துவர் கௌதமன், ஹரி பிரசாத், மகேஸ்வரி , கிருஷ்ண காந்த், உஷா கேசவன், சந்தானம் உட்பட பலர் நிகழ்வில் பங்கேற்றனர்.