மஜக இளைஞர் அணி வியூகங்கள் வளர்ச்சி திட்டங்கள் குறித்து ஆய்வு.!முக்கிய தீர்மானங்கள்_நிறைவேற்றம் .!!!

மனிதநேய ஜனநாயக கட்சியின் இளைஞர் அணி முதன்மை நிர்வாகிகள் கலந்தாய்வுக் கூட்டம் மாநில இளைஞர் அணி செயலாளர் திருச்சி எம்.முஹமது ஷரிப்  தலைமையில் சென்னை ராயப்பேட்டை, ஜோஹரா மஹாலில் நடைபெற்றது. 

இக்கூட்டத்தில் சிறப்பு விருந்தினராக மஜக தலைவர் மு.தமிமுன் அன்சாரி அவர்கள் கலந்துக் கொண்டு இளைஞர் அணி நிர்வாகிகளோடு உற்சாகமாய் கலந்துரையாடினார்.

இதில் தமிழகத்தின் பல்வேறு மாவட்டங்களில் இருந்து இளைஞர் அணி முதன்மை நிர்வாகிகள் பங்கேற்றனர்.இக்கூட்டம் இரண்டு அமர்வுகளாக நடத்தப்பட்டது.முதல் அமர்வில் அறிமுக சந்திப்புகளும், தலைவர் அவர்களின் உரையும், கலந்துரையாடலும் நடைபெற்றது.

இரண்டாவது அமர்வில் மாநில நிர்வாகிகளின் கருத்துரையுடன், இளைஞர் அணி நிர்வாக விரிவாக்கத்திற்கான செயல்பாடுகள் குறித்தும்  விவாதிக்கப்பட்டு சில முக்கிய முடிவுகள் எட்டப்பட்டது.இக்கூட்டத்தில் பின்வரும் தீர்மானங்கள் நிறைவேற்றப்பட்டன.

 (1) கள விரிவாக்கம் : 

தமிழகம் முழுவதும் இளைஞர் அணி நிர்வாகத்தை விரிவுப்படுத்தி, கட்டமைப்பை வலுப்படுத்துவது. அதற்காக மண்டல வாரியாக சுற்று பயணங்களை திட்டமிடுவது.

(2) உச்ச நீதிமன்ற தடை சரியல்ல

உயர்கல்வி நிலைய செயல்பாடுகள் குறித்து பல்கலைக்கழக மானிய குழுவின் (U.G.C) சமத்துவ வழிகாட்டுதலுக்கு உச்சநீதிமன்றம் தடை விதித்துள்ளதை ஏற்றுக்கொள்ள முடியாது. இது மனித நேயத்துக்கும், சமூக நீதித்துக்கும் எதிரானது என இக்கூட்டம் சுட்டிக்காட்டுகிறது.

U.G.C. யின் புதிய திருத்தம் - 2026 ஐ  நடைமுறைப்படுத்த வேண்டும் என கேட்டுக் கொள்கிறது. 

(3) கலாம் பிறந்தநாளில் நிகழ்ச்சிகள் : 

இந்திய நாட்டின் முன்னாள் ஜனாதிபதி A.P.J. அப்துல் கலாம் அவர்களின் - அக்டோபர் 15 -பிறந்த தினத்தை 'இளைஞர்கள் எழுச்சி நாளாக' இளைஞர் அணி சார்பில் கொண்டாடுவது.

(4)  ஆர் டி ஐ திரும்பப் பெறக் கூடாது : 

தகவல் பெறும் உரிமை சட்டமான (RTI)  சட்டத்தை திரும்பப் பெற வேண்டும் என ஒன்றிய அரசின் பொருளாதார அறிக்கை குழு பரிந்துரையை நிராகரித்து, RTI  சட்டத்தை திரும்பப் பெறக் கூடாது என ஒன்றிய அரசை இக்கூட்டம் வலியுறுத்துகிறது.

(5) மஜக இளைஞர் அணி - 2026 ஓராண்டுக்கான செயல்திட்டம் :-

திறன் வளர்ப்பு வகுப்புகள், அரசியல் பயிலரங்கங்கள், மாநிலம் தழுவிய பேச்சு - கட்டுரை - கவிதை போட்டிகள் மற்றும் போதைக்கு எதிரான விழிப்புணர்வு நிகழ்வுகள் ஆகியவற்றை மாவட்ட வாரியாக நடத்துவது.

( 6 )செயற்குழு :

இளைஞர் அணியின் மாநில செயற்குழுவை திருச்சியில் பிரம்மாண்டமாக நடத்துவது என தீர்மானங்கள் நிறைவேற்றப்பட்டது.

இந்நிகழ்வில் இளைஞர் அணி மாநிலத் துணைச் செயலாளர் சோபான் உட்பட நிர்வாகிகள் முன்னிலை வகித்தனர். 

இறுதியாக இளைஞர் அணி மாநில பொருளாளர் பெரம்பலூர் இம்ரான் நன்றி உரை கூறி நிகழ்வு இனிதே நிறைவு பெற்றது.